MusicXML ya porqué debes conocelo

Dientru de la informática un problema perimportante ya qu’aparez en munches vegaes ye cómu compartir la información ente los programes ya ente les persones. El meyor exemplu d’esti problema ye comu s’inventó el llinguaxe HTML nos años 90 nel CERN por Tim Berners-Lee, diose cuenta de que n’aquella época teníen munchos ordenadores d’una gran variedá de fabricantes y toos los estudios que faían nun se podían enllazar ente sí, ni tampoco apurrise ensin dedicar hores ya hores. Pa esi problema diseñó el llinguaxe HTML pa poer compatir d’una vegada toa la información ente toos los científicos del CERN ensín tener qu’andar cambiando los equipos informáticos colos que trabayaben.

Colos programas informáticos de música pásanos dalgo parecío dafechu, yá qu’al apurrinos cancios ente nós munches vegaes faese mal porque cada programa tien los sus formatos o la su forma particular de convertir a formatos estándar. El meyor exemplu n’esti sentíu ye cuando dalguna vez tratamos de pasar un cancio a un archivu MIDI ya llueu abrimos ese archivu MIDI con otru programa, lo más probable ye qu’esi cancio tenga munchos fallos.

Protocolu MIDI

Día de les Lletres Asturianes 2013

Güei ye’l Día de les Lletres Asturianes 2013, zarrando les aiciones col actu que celébrase nel Teatru Campoamor d’Uviéu a les 20:30 hores pola Academia de la Llingua Asturiana. Ye un día de folixa ya pa engayolase pol trabayu fechu nel postrer añu. Tamién ye un día pa reivindicar l’asturianu como llingua oficial de los asturianos ya que nun s’escaezcan los políticos d’esti derechu que nun nos dexen alcanzar anguaño.

Viquina

Iamus, l’ordenador que compón música

Dende que la xente lleó llibros como los de Isaac Asimov, dalgún pue imaxinase máquines cola facultá de falar, caminar, entendese pa colos humanos o de realizar xeres percomplexes que nos faigan la vida munchu más senciella.

Yo Robó

 

El Cerebru ya la música

Ensin dalgún motivu del que nós tengamos conociencia, la música fácenos sentinos meyor o peor, xorrecer de toos nuesos males ya incluso facenos atopar daqué coses en nós que nun conociéramos enantes. La música ye un mou d’entender la vida.

El Cerebru ya la música

Munches vegaes los científicos traten d’alcontrar dalgunas relaciones ente’l cerebru ya la música polo que la respuesta pue agüeyase nes sos investigaciones. Na revista Science pue lleese abondo d’artículos fechos nos esperimentos que lleven a cabu col oxetu d’obtener resultaos que sofiten les idees qu’entamaron a tener enantes de facelos.

Conservatorio Virtual – Cursos na rede

Cuantayá que dir a clas p’arriquecer nuesa conociencia de la música ye perimportante y atopar les escueles de música o conservatorios qu’imparten les necesidaes personales de caún, puede camudar nuna aventura dayures. Munches vegaes nun tenemos los centros a nuesu alcance y quedámosnos ensin poder meyorar los aspeutus que necesiten enfotase nel aprendizaxe musical.

Darréu que la formación de caún ye una necesidá básica nel procesu de meyora personal, guetando pela rede atopamos cursos a distancia afitaos poles plataformes informátiques qu’esisten anguaño ya la que falaremos nesti momentu ye “Conservatorio Virtual“.

Conservatorio Virtual

Notation Training – A xugar coles notes musicales

Notation Training ye un entrenador musical que tien el oxetivu de facenos meyorar na llectura musical ya nel oíu musical, sofitándose nel xuegu como ferramienta.

Xugando cola llectura musical

Como puede vese na semeya, preséntenos una partitura coles notes qu’el sistema pon daquella manera y nos namás tendremos que calcar el botón de la nota creyemos ye la correuta, colos botones de colores que tan na parte postrera de la páxina. Pa faelo un pouco más amenu, cuenta el tiempo que tardes en terminar la partitura. Puede facese cola clave de Sol o cola de Fa pa añadir un nivel más de complexidá ya meyorar na llectura de les dos claves.

Entrenador del oíu

Tamién amesta un entrenador pal oíu nel que calcando nel botón que tien l’altavoz puedese escuchar una nota ya dempués hay que calcar la nota que creyemos que foi la que sonó. D’esta forma d’entrenar l’oíu ye percomplexa yá qu’al nun tener les referencies de les notes enantes d’escuchar la nota que vien, nun ye una forma bona de d’aprender a estremar les notes ente sí.

Notation Training ye una bona forma d’entrenese n’una tarde, amás por 3,99 $ tamién puedes tener una cuenta na que te guarden los tos datos para ver como meyoras, pero como material didácticu quédase un poco curtiu. ¿Parecevos una bona ferramienta?

Noteflight – Partitures na rede

Fae dalgún tiempu qu’escribir partitures nelos medios informáticos. Ye una necesidá pa tolos músicos que compartimos nuesa música o nueses igües musicales colos collacios de profesión ya por esti motivu ye una obligación daprender dalgunu de los sistemes qu’existen n’actualidá, dellos podemos falar de:

• Finale
• Sibelius
• Encore

Caún tien sus aspeutos positivos ya negativos yá que caún foi diseñáu polos sus inxenieros y cada equipo plantegaron les necesidaes d’un músicu de la forma que-yos petó, polo que crearon un mercáu de aplicaciones pala escritura musical. Destacar d’estos sistemas que son aplicaciones d’escritoriu, ya polo tantu, ye necesariu instalar nos equipos esti software pa qu’entamese a trabayar con ellos.

N’anguaño, toles necesidades que creáronse nos medios informáticos tan camudando n’aplicaciones na Web, permitiendo desta manera faer les mismes xeres con una gran variedá d’aparatos ellectrónicos: ordenadores d’escritoriu, ordenadores portátiles, tablets, móviles, TV, ….etc. Ye esti’l motivu de falar de l’aplicación web Noteflight.

Semeya de Noteflight

Noteflight ye una web que permite compartir partitures entre músicos ya tamién puedese escuchar los cancios dende l’aplicación. Dalgunos piensen que ye’l entamu d’una “rede social musical” pero enantes tien que camudar a meyor les xeres que permiten faer.

Con esta ferramienta puedes:

• Compartir les partitures que faigas: Pescadores.
• Guetar partitures pa que garres nueves idees: I’m got a feeling.
• Descargar los cancios d’otros pa tu editor musical preferíu usando Music XML y tamién subir les tos aportaciones.
• Votar los cancios que vos pete ya asina apaez un llistáu coles partitires preferíes de la xente.

Convídovos a probar esta web y que vos preste guetar les ayalgues qu’alcuéntrense nesa xungla llamada Noteflight.